(+20) 1000730076 - (+20) 1101147411

©2019 جميع الحقوق محفوظة لشركة إف بي اي نتوركس

بحث
  • FPI Networks

ازاي تعرف اقصي سرعة ممكن يستحملها خط الانترنت بتاعك ؟؟



فيه سرعات انترنت عالية جديدة نزلت الفترة دي من بعض شركات الانترنت و حسب نوع كل خط هتقدر تحدد اقصي سرعة ممكن يستحملها خطك و عشان كده قررنا نوضحلكوا الفرق ما بين الانواع دي

اول نوع اسمهADSL و ده بيبقي خط نحاسي من البيت لحد السنترال و متوسط سرعتة بتكون 8 ميجا و ده اللي كان في بيوتنا من حوالي خمس سنين قبل ما المصرية للاتصالات تبدأ تطور البنية التحتية بتاعتها

تاني نوع بقي اسمه ADSL2+ و ده اللي في اغلب بيوتنا دلوقتي و بيبيقي خط نحاسي من البيت لحد كابينة المصرية للاتصالات و فايبر من الكابينة لحد السنترال و اقصي سرعة نظرية ممكن يوصلها هي 24 ميجا و عمليا اقصي سرعة للخط ده بتبقي من 16 : 20 ميجا

اما بالنسبة لتالت نوع و اللي اسمه Vdsl فهو خط نحاسي زي ال adsl2+ بالظبط بس الفرق ان ده بيحتاج كروت vdsl بتركب في الكابينة الخاصة بالمصرية للاتصالات ده غير انه بيحتاج راوتر بيدعم ال vdsl و ميزة التكنولوجيا دي ان اقل نوع فيها سرعته بتوصل ل 54 ميجا و اعلي نوع حتي الان سرعته بتوصل 300 ميجا

و رابع نوع و الاخير اسمه FTTH و ده عبارة عن خط فايبر من السنترال لحد البيت و ده بيبقي متوسط سرعته 100 ميجا و فيه بعض الانواع من ال ftth اللي سرعتها بتوصل ل 1000 ميجا و اكتر كمان

tag

10 عرض